Robert Lewandowski foli për veten e tij në podkastin e Rio Ferdinand, duke kujtuar edhe periudhën te Bayern me Pep Guardiolën: “Fillimi ishte i vështirë sepse në atë kohë ai ishte shumë i fokusuar vetëm në gjërat e futbollit. Si njeri ishte e vështirë për të, sepse e dinte se ishte aq i shkëlqyer me taktikat, saqë lojtarët duhej ta ndiqnin”. “Pastaj pashë që më vonë ai filloi të ndryshonte personalitetin e tij ose, më mirë të themi, të bëhej më njerëzor, më i hapur. Për sa i përket lojës, ai kurrë nuk më pyeti asgjë, ai vetëm më tha: “Leëa, nuk mund të të ndihmoj sepse ti je më i mirë se unë, por mund të të ndihmoj të të sjell topin”. Polaku foli edhe për një çështje të vjetër transferimi: “Ishte viti 2012, Sir Alex Ferguson më thirri dhe vendosa të shkoj te Manchester United. E mbaj mend akoma atë bisedë sot, ishte parasezon, po luaja disa ndeshje me Borussia Dortmundin dhe e dija se do të më thërriste. Në pjesën e parë u zëvendësova, pranova të luaja 45 minuta… Më pas mora telefonatën dhe, në atë moment, niveli im i anglishtes ishte ndryshe nga ai që është tani, isha gati të flisja me Ferguson, i cili kishte theks skocez”. “Nuk kuptova asgjë, i kërkova ta përsëriste, por e dija se çfarë doja t’i thosha, domethënë që doja të luaja për të. Pse nuk firmosa për Manchester United? Pyet klubin. Atë herë i dhashë hapjen time totale transferimit. Nëse Sir Alex Ferguson ju thërret, nuk mund të thoni jo. Sidomos nëse jeni 22 ose 23 vjeç dhe Manchester United është në kulmin e tij. E mbaj mend atë periudhë, më kujtohet edhe biseda me presidentin e Borussia Dortmundit, më tha se kishin nevojë për mua”. “Ata nuk donin të më shisnin te Manchester United sepse isha shumë i rëndësishëm për ta. Më tha se nuk ishte koha e duhur. Pra, qëndrova. Por atë herë, pas asaj telefonate, kisha dhënë vullnetin tim për transferim”.

sfidanti.al