Raxha Naingolan është rikthyer të flasë për aventurën e tij në Itali dhe raportet që ka pasur me disa prej futbollistëve në këtë kampionat. Ish-lojtari i Romës dhe Interit zbulon edhe disa anekdota interesante dhe histori që kanë tërhequr vëmendjen e tifozëve. Ai ka qenë protagonist në një “podcast” ku është pyetur se cili ka qenë lojtari më i fortë në diskotekë.

Pasi është menduar pak, belgu ka zgjedhur ish mesfushorin e Interit, Marselo Brozoviç. “Mendoj që Brozo ka qenë më i forti në këtë aspekt. Nuk mund të them një histori fikse sepse nuk e mbaj mend, por më kujtohet që në fundin e mbrëmjes nuk e njihnim njëri-tjetrin”, thotë ai duke qeshur. Sa i përket aventurës me Interin dhe raportit me Konten ai tha: Aventura ime u keqkuptua në fakt. Unë vija nga Roma në një realitet tjetër dhe pata dëmtime. U ndryshua edhe trajneri dhe kjo nuk më ndihmoi. Mirëpo me Konten kam një raport korrekt. Mua më pëlqejnë ata që janë të drejtpërdrejtë dhe nuk fshihen. Më tha që isha mesfushori i shtatë në hierarki, por gjërat mund të ndryshonin. Ai më donte edhe te Çelsi. Nuk e mbaj inat”, përfundoi Naingolan. Në vitin 2021, Anderson ishte një nga tetë të pandehurit e përmendur si nën hetim nga një prokuror i shtetit në lidhje me akuzat për pastrimin e 4.7 milionë eurove përmes kriptomonedhave.

sfidanti.al