Kthehet nga Parisi me dy medalje të tjera, siç ndodhi në Tokio që u cilësua si zbulimi në pishinë. Tashmë Ariarne Titmus, një nga mbretëreshat e stilit të lirë, ka bërë të ditur se do të bëjë “një pushim të gjatë”. Me titujt e fituar në 400 dhe 4X200, 23-vjeçarja australiane, mbajtësja e rekordeve botërore në 200, thotë se synon gjithashtu lojërat e ardhshme, Los Angeles 2028, por më parë duhet të ndalojë. “Do të bëj një pushim shumë të gjatë. Nuk e di se kur do të notoj përsëri. Dua të kthehem kur të ndihem gati. Ndoshta edhe pas një viti”, tha kampionia australiane. “Unë thjesht dua të sigurohem që jam gati të shkoj në Los Angeles”, shtoi ajo. “Nuk dua të kthehem shumë shpejt: katër vjet janë një kohë e gjatë. Dua të përgatitem sa më mirë për Olimpiadën, është përparësia ime, jo kampionati botëror”, nënvizoi Titmus.

sfidanti.al