Novak Djokovic iu nënshtrua një operacioni në gjurin e tij të djathtë këtë të mërkurë. në Paris, pas dëmtimit të meniskut në Roland Garros. Serbi iu nënshtrua një operacioni në një klinikë sportive në qendër të Parisit dhe do të fillojë të punojë për rikuperimin në mënyrë që të mund të jetë në Lojërat Olimpike, të cilat do të zhvillohen pikërisht në kryeqytetin francez. Lojtari justifikoi vendimin e tij për t’iu drejtuar operacionit, duke u shprehur.

“Dje më duhej të merrja disa vendime të vështira pasi pësova një të çarë në menisk gjatë ndeshjes sime të fundit. Jam ende duke përpunuar gjithçka, por operacioni shkoi mirë. I jam mirënjohës ekipit të mjekëve që kanë qenë pranë meje, si dhe falënderoj fansat për mbështetjen. Do të bëj çmos që të jem i shëndetshëm dhe gati për t’u kthyer sa më shpejt. Dashuria ime për sportin është e fortë dhe dëshira për të garuar në nivelin më të lartë është ajo që më mban përpara.”

Sipas gazetës serbe “Sportal Blic”, Djokovic ka dalë nga klinika dhe është kthyer në shtëpi. Rikuperimi pritet të zgjasë rreth tri javë, gjë që e largon atë nga turneu i Wimbledonit (1 deri në 14 korrik) për të ndjekur medaljen olimpike, që i mungon.

sfidanti.al