Fitorja 4-2 e Interit ndaj Romës ka dekretuar shkëputjen e mëtejshme në kreun e klasifikimit për zikatrit, por edhe aktivizimin e klauzolës për blerjen përfundimtare të Marko Arrnautoviç nga klubi. Sipas akordit të arritur me skuadrën e Bolonjës ku gjendej më parë sulmuesi, tashmë transferimi bëhet përfundimtar. Në momentin e firmave, Interi kishte rënë dakord që huazimi do të bëhej përfundimtar në momentin kur klubi zikaltër të siguronte të paktën 1 pikë në kampionat pas datës 5 shkurt 2024. Me fitoren e sotme, klauzola u aktivizua. Kështu, Interi do të duhet të paguajë 8 milionë euro për kartonin e futbollistit, të cilave do t’u shtohen bonuse deri në 2 milionë euro të tjera. Ndërkohë, edhe kontrata e Arnautoviç e firmosur në verë, tani bëhet përfundimtare. Duhet kujtuar se marrëveshja që nënshkruan zikaltrit me sulmuesin ishte deri në verën e vitit 2025.

sfidanti.al