Pagat e sportistëve kanë arritur nivele rekord përgjatë dekadave të fundit, duke reflektuar jo vetëm suksesin e tyre në fushë, por edhe ndikimin e jashtëzakonshëm në tregjet globale të marketingut dhe biznesit.

Sot, sportistët më të famshëm në botë fitojnë jo vetëm nga kontratat me klubet dhe federatat, por edhe nga marrëveshjet luksoze të reklamave, investimet personale dhe sipërmarrjet e ndryshme.

Në krye të listës qëndron legjenda e basketbollit amerikan, Michael Jordan, i cili mbetet sportisti më i paguar në histori, me fitime që arrijnë në 3 miliardë dollarë gjatë gjithë karrierës së tij.

Ai pasohet nga ikonat e sporteve të tjera:

Tiger Woods (golfist) – 1.91 miliardë dollarë
Cristiano Ronaldo (futbollist) – 1.83 miliardë dollarë
LeBron James (basketbollist) – 1.49 miliardë dollarë
Lionel Messi (futbollist) – 1.49 miliardë dollarë
Roger Federer (tenist) – 1.23 miliardë dollarë
David Beckham (futbollist) – 1.2 miliardë dollarë
Floyd Mayweather (boksier) – 1.15 miliardë dollarë
Jack Nicklaus (golfist) – 910 milionë dollarë
Arnold Palmer (golfist) – 885 milionë dollarë

Këto shifra përfshijnë të ardhurat nga pagat, shpërblimet, marrëveshjet e marketingut dhe fitimet nga sipërmarrjet personale ndër vite.

sfidanti.al