Aryna Sabalenka konfirmohet sërish mbretëresha e fushave të forta në Florida, duke fituar finalen e Miami Open përballë Coco Gauff.

Tenistja bjelloruse triumfoi pas një ndeshjeje të luftuar në tre sete, me rezultatin 6-2, 4-6, 6-3, duke treguar forcë dhe qëndrueshmëri në momentet vendimtare.

Pas dominimit në setin e parë, Sabalenka hasi rezistencën e Gauff në të dytin, ku amerikania reagoi dhe barazoi shifrat. Megjithatë, në setin final, numri një i botës riktheu kontrollin dhe mbylli takimin në favorin e saj.

Me këtë sukses, Sabalenka jo vetëm që mbron titullin në Miami, por edhe forcon pozitat si një nga tenistet më dominante në qarkullimin botëror.