Stiven Kërri nuk mundi t’i gëzohej rikthimit të tij në parket pas dëmtimit të pësuar në kavilje. Golden Stejt humbi ndaj Detroit 111-102 dhe basketbollisti nuk mundi dot ta ndihmojë skuadrën e tij të evitonte këtë disfatë edhe pse ndeshjen e mbylli me 27 pikë në 36 minuta lojë. Liderët i Pistons në këtë ndeshje u bënë Grifin me 26 pikë dhe Dramond me 16 pikë e 19 topa në tabelë.

Toronto vazhdon marshimin e saj në këtë edicion të kampionatit amerikan të basketbollit. Skuadra e Raptors fitoi ndaj klivlend 106-95 dhe konfirmon vendin e parë në Konferencën e Lindjes me 20 fitore dhe 4 humbje, ndërkohë që në kahun e kundërt është skuadra e kavaliers që është e pozicionuar e fundit me 4 fitore dhe 18 humbje

Bostoni arriti një sukses të rëndësishëm  ndaj Minesotës të cilën e mundi 118-109 duke kërkuar që të bëhet një skuadër sa më konstante në lojën e saj. Më i miri për Seltiks ishte Hejuard që iu afrua një ‘triple-double’ me 30 pikë, 9 topa në tabelë e 8 assist. po kështu mjaft mirë u paraqitën edhe Tatum me 19 pikë, Irving me 21 dhe Horford me 15. te Minesota u dallua në mënyrë të vecantë Roz që e nisi sfidën nga stoli e megjithatë arriti të shënoijë 26 pikë.

sfidanti.al