Ben Simmons ka pësuar një dëmtim të rëndë pikërisht kur po përgatitej të rikthehej në parket pas një periudhe të gjatë mungese. Basketbollisti australian ka këputur tendinën e Akilit në këmbën e djathtë dhe pritet t’i nënshtrohet një ndërhyrjeje kirurgjikale, çka e bën thuajse të sigurt mungesën e tij për sezonin 2026/27 në NBA.

Lajmi është konfirmuar nga Sacramento Kings, skuadër që i dha mundësinë të rikthehej në kampionatin më të fortë të basketbollit në botë. Dëmtimi ndodhi gjatë një stërvitjeje me kontakt, në përgatitjet e fundit përpara nisjes së sezonit të ri.