Tirana ndryshon pothuajse gjithë skuadrën, Egnatia ndryshon sërish dhe jo pak, Vllaznia me hallet financiare ndërsa pjesa tjetër në vendnumëro. FSHF ka shpërndarë nga rreth 90 mijë euro për klubet e Superiores që në gjuhën e shifrave të futbollit sot janë thjesht një “copë buke”. Titujt bombastikë të “oksigjenit” që po u jep FSHF klubeve nuk mungojnë, a thua se janë para halli dhe jo detyrim i institucionit për pjesëmarrësit në garat zyrtare.

Një futboll që u falet “bakshisheve” të FSHF-së nuk mund dhe nuk duhet të konsiderohet si serioz dhe profesionist. Çfarë halli do t’i zgjidhin Tiranës me 1 mijë halle…. 90 mijë eurot? A do ta ndihmojnë Vllaznina të shpërndajë disa paga? Dhurata e babagjyshit “Sulltan” duket si një pikëz ujë për buzët e maratonomakut ende në garë me kohën dhe kushtet atmosferike për të vrapuar drejt misionit të rëndësishëm…për të mbajtur në jetë futbollin shqiptar.

sfidanti.al