Ishte e sigurtë  që momenti po afronte, por vetëm dita nuk dihej se kur do të ndodhte. Sa herë që “nxënësit” e kësaj klase tërbohen,  nuk pyesin as për “prindërit”, atëherë,  sipas zakonit, vjen dita e ..dajakut! Arbitrat e Superligës janë thirrur urgjent në një takim me “prindërit” , për fatin e bardhë  të tyre, pa prindin e madh, presidentin Duka,  të cillin e kanë frikë  shumë kur i flakëron më fjalorin e tij. Shefi poshtë shefit, Shulku dhe i “përjetshmi” i urtë,  Kastrati , u kanë zbuluar arbitrave zemërimin e “perëndive” në FSHF.  Ç‘janë këto hata  që po ndodhin me fillimin e 2020-tës ? Mos  jeni “ prekur”  gjë nga koronavirusi kinez? Në ato momente lindi  pyetja:  U balsamosën ata që kishin  bërë gafa spektakolare  apo u ndëshkuan vetëm ata që dolën jashtë kontrollit të telekomandës.. Sido që të jetë, një gjë kemi mësuar nga takimet me “prindër “ të arbitrave.. gabimet do të vazhdojnë, mund të ketë edhe javë ku lajthitja të shfaqet  ..Superiore, por thelbi është që gabimet do të kategorizohen njerëzore  vetëm nëse janë pjesë e skemës së parafabrikuar nga mjeshtrat..

Edhe pse thuhej se do të dilnin në tabelën e zezë ata që kishin bërë gafat më të spikatura, ajo që ndodhi tregon se,  ka shenja drite edhe në  në tunelin e errët të këtyre javëve. Goli  që pësoi Partizani, ai që u quajt “fantazëm” apo “gjysma-goli”, për të cilin gishti fajtor shkonte tek arbitri i linjës, është nderuar si “Grali i javës”.  Le të thonë  ekranet dhe gazetat se ishte blasfemi, për familjen tone do të mbetet  një vendim që vlen për ..gjithë brezat!  U pwrcollwn edhe fjalwt e shefit tw madh, ku arbitrat u ngjallën, u çuan në këmbë me duartrokitje : “Ne nuk kemi teknologji, por kemi njerëz që vlejnë edhe më shumë se teknologjia…”

Sfidanti.al