Sipas “Diario AS”, Lamine Yamal po përparon ndjeshëm në rikuperimin nga dëmtimi në ijë që e mbajti jashtë fushës gjatë ndërprerjes për ndeshjet ndërkombëtare.

Anësori 18-vjeçar i Barcelonës pritet të jetë plotësisht i gatshëm deri të shtunën e ardhshme dhe mund të luajë disa minuta ndaj Girona-s. Rikthimi i tij po menaxhohet me kujdes nga stafi mjekësor dhe teknik i Hansi Flick.

Plani i klubit është që Lamine të jetë në formën më të mirë të mundshme për përballjen me Real Madridin në fund të këtij muaji. Ndeshjet kundër Girona-s dhe Olympiacos-it do të shërbejnë si prova të rëndësishme për të testuar gjendjen e tij fizike.

Nëse gjithçka shkon sipas planit, Lamine mund të jetë edhe titullar kundër Olympiacos-it në Ligën e Kampionëve, si pjesë e rikthimit të tij gradual në fushë.