Spanja është shpallur kampione e botës në futbollin e femrave për grupmoshën U-20, pasi mposhti Korenë e Veriut në finalen e zhvilluar në Lodz të Polonisë. Koha e rregullt dhe shtesat u mbyllën në barazim 0-0, ndërsa gjithçka u vendos nga penalltitë, ku Spanja triumfoi 4-3.

Skuadra e drejtuar nga David Aznar zhvilloi një ndeshje të kujdesshme, duke pasur kontrollin e topit dhe duke krijuar disa mundësi për të shënuar. Spanja pati raste me Cerrato, Pau Comendador dhe Rosalía, por portierja koreano-veriore Pak ishte në një formë të shkëlqyer dhe mbajti portën të paprekur.

Në serinë e penalltive, Spanja tregoi qetësi, ndërsa portierja Laia López u shndërrua në heroinën e mbrëmjes duke pritur dy goditje. Për Spanjën shënuan Marisa, Segura, Julià dhe Agote, duke i siguruar trofeun e dytë të saj në historinë e Botërorit U-20.

Fitorja kishte edhe një rëndësi të veçantë, pasi Spanja humbi pikërisht ndaj Koresë së Veriut në finalen e Botërorit U-17 dy vite më parë, po me penallti. Këtë herë, “La Roja” mori revanshin dhe kurorëzoi një tjetër brez të artë.