Kupa e Afrikës do të zhvillohet në nëntë stadiume, prej të cilave pesë do të jenë pjesë e programit të Botërorit 2030: Rabat, Tangier, Fez, Agadir dhe Marrakech. Stadiumet e Rabatit dhe Tangier-it tashmë plotësojnë kriteret e FIFA-s, ndërsa stadiumet e Marrakech, Agadir dhe Fez do të rinovohen pas përfundimit të CAN.Maroku po ndërton gjithashtu stadiumin më të madh në botë për Botërorin 2030: Stadiumin ‘Hassan II’, në Casablanca, me kapacitet 115.000 shikues dhe një sipërfaqe mbi 100 hektarë, i vendosur në një pyll në Mansouria, rreth 38 km në veri të Casablanca-s. Ky është basti kryesor i Marokut për të sfiduar ‘Bernabéu’-n për finalen e Botërorit, megjithëse planet e FIFA-s vazhdojnë të parashikojnë Madridin si vendin e finales.

Përveç kësaj, janë përgatitur 55 qendra me mbi 100 fusha futbolli, sipas standardeve të FIFA-s. Casablanca ka rinovuar edhe ‘Feria Ndërkombëtare’ për të shërbyer si Qendra Ndërkombëtare e Transmetimeve (IBC), me mbi 40.000 m² infrastrukturë broadcast dhe teknologji moderne që e bëjnë qytetin më inteligjent dhe të sigurt.

Maroku ka investuar gjithashtu në futbollin femëror, duke profesionalizuar Ligën Kombëtare Femërore, financuar klubet dhe krijuar akademi dhe qendra trajnuese për vajza, duke e vendosur vendin përpara shumë shteteve të tjera afrikane në zhvillimin e futbollit për femra.