Vedat Muriqi është pranë një rikthimi në futbollin turk, këtë herë jo te Fenerbahçe, por te Besiktas. Klubi bardhezi nga Stambolli ka nisur bisedimet zyrtare për transferimin e sulmuesit të Kosovës, i cili ka lënë gjurmë në Superligë gjatë eksperiencave me Rizesporin dhe Fenerbahçen. Pas një periudhe në Serie A dhe së fundmi në La Liga me Mallorca-n, ku shënoi 35 gola në 118 ndeshje, Muriqi është i hapur për një rikthim në Turqi.

Besiktas e sheh si përforcim të rëndësishëm për ndërtimin e një skuadre konkurruese në arenën evropiane. Klubi dëshiron ta formojë repartin ofensiv me Muriqin dhe Patrik Schick të Leverkusenit. Vetë lojtari e ka shprehur publikisht dëshirën për të luajtur sërish në Turqi, ku familja e tij ndihet rehat. Mallorca është e gatshme ta lëshojë për 5 milionë euro, një shifër që nuk përbën problem për klubin turk.

sfidanti.al