Në 1 tetor në Nyon të Zvicrës me rastin e hedhjes së shortit të fazës së grupeve të Ligës së Kampioneve të sezonit 2020/21, UEFA do të shpërndajë cmimet individuale për më të spikaturit e sezonit që u mbyll përpara një muaji. Në mungesë të Topit të Artë që këtë vit nuk do të jepet për shkak të pandemisë Covid 19, cmimi që pritet me më shumë padurim është ai i Futbollistit më të mirë të UEFA.

Për këtë trofe në garë janë pikërisht Robert Lewandowski, Manuel Neuer të Bayernit të Mynihut dhe Kevin De Bruyne i Manchester City. I pari i përjashtuar nga nga podium është Lionel Messi me 53 vota po aq sa edhe Neymar dhe menjëherë pas tyre gjenden Thomas Mueller, Kylian Mbappe, Thiago Alcantara, Joshua Kimmich dhe Cristiano Ronaldo që mbyll dhjetëshen e lojtarëve më të mirë të UEFA

 

Përvec cmimit të Futbollistit më të mirë të vitit të UEFA, do të jepet edhe ai për trajnerët më të mirë ku gara do të jetë e gjitha gjermane pasi në finale janë pikërisht Hansi Flick, Julian Nagelsmann dhe Jurgen Klopp

Cmimet e tjerë të UEFA për 2019/2020 janë:

Futbollistja e vitit: Bronze, Harder, Renard

Trajner i vitit në futbollin e femrave: Cortes, Lerch, Vasseur

Portieri më i mirë: Navas, Neuer, Oblak

Mbrojtësi më i mirë: Alaba, Davies, Kimmich

Mesfushori më i mirë: De Bruyne, Thomas Müller, Thiago Alcântara

Sulmuesi më i mirë: Lewandowski, Mbappé, Neymar

Portierja më e mirë: Bouhaddi, Endler, Paños

Mbrojtësja më e mirë: Bronze, Goessling, Renard

Mesfushorja më e mirë: Gunnarsdóttir, Marozsán, Popp

Sulmuesja më e mirë Cascarino, Harder, Miedema

Futbollisti më i mirë i Europa League: Banega, Bruno Fernandes, Lukaku.

Sfidanti.al