Sevilla po kërkon të zgjidhë situatën e Adnan Januzajt, i cili prej vitit 2022 nuk ka arritur të lërë shenjë. Lojtari i Belgjikës dëshiron të largohet këtë verë dhe ka një marrëveshje paraprake me Anderlecht, por kërkon të largohet si lojtar i lirë.

Klubi spanjoll është i gatshëm ta lirojë nga kontrata për të shmangur pagesën e pagës së lartë, por problemi qëndron te 5 milionë euro bruto që Januzajt i detyrohen ende. Lojtari nuk ka ndërmend të falë këtë shumë, çka e komplikon procesin. Sevilla nuk dëshiron të përsërisë situatën e sezonit të kaluar, kur pagoi një pjesë të madhe të rrogës gjatë huazimit te Las Palmas. Klubi gjithashtu nuk e sheh të përshtatshëm për ekipin e parë pas dy viteve pa paraqitje bindëse. Anderlecht mbetet i interesuar, por transferimi varet nga arritja e një marrëveshjeje ekonomike.

sfidanti.al