Xavi karikon Barcelonën drejt ndeshjes së parë çerekfinale kundër PSG-së: “Pas katër vitesh pa çerekfinale, fjala është emocion. E kam thënë disa javë më parë se mund të ëndërrjmë, se ka emocion. Kemi mbërritur në momentin më të mirë të sezonit, përballemi me një nga trajnerët më të mirë, Luis Enrique”. Trajneri i katalanas vlerëson Luis Enrique-n, trajnerin e parisienëve: “Ju e njihni. Unë kam një marrëdhënie të shkëlqyer personale me të, ai meriton gjithë respektin tim. Është një nga trajnerët më të mirë në botë dhe ka një ekip të krijuar për të fituar Champions League. Të dy po provojmë të njëjtën gjë. Luis Enrique, Guardiola, Arteta dhe unë jemi ADN-ja e Barçës. Katër trajnerë me ADN-në e Barçës në çerekfinale të Ligës së Kampionëve. Të dy po kërkojmë të njëjtën gjë, ADN-në e Barçës që identifikon ne dhe na bën krenarë”. “Mbappé, Dembélé… e kështu me radhë. Ne duhet të jemi më të fortë se kurrë në një nivel mbrojtës, sepse PSG është një nga më të mirat në tranzicion. Luis Enrique më dërgoi një mesazh në fund të shortit. Unë kam shumë respekti për të. Më tha se kalimi në Paris është një sfidë. Prandaj mendoj se ata janë favoritë”, shtoi ai. “Tifozët e Barcelonës i pashë me shumë entuziazëm. Ka shumë dëshirë të shikojnë skuadrën nesër. Jemi në momentin më të mirë të sezonit, lojtarët janë të motivuar”, nënvizoi trajneri i Blaugranas.