Gjithçka ishte për një milimetër të vetëm, dhe aspak më shumë. Të paktën kështu shkruan mediat spanjolle (e padyshim edhe ato katalanase, ndër to), dhe Barcelonës iu anulua goli i parë në debutimin e përdorimit të pozicionit jashtë loje gjysmë automatik. Ndodhi në gjysmëfinalen e Superkupës së Spanjës në Riad të Arabisë Saudite dhe këtë veprim e bëri arbitri Del Serro Grande. Në të vërtetë, pozicioni jashtë loje nuk ishte i Pedrit që shënoi, por i Rafinjës që dha pasimin në minutën e 25-të. Ky ishte ofsajdi i parë gjysmë automatik i dhënë në një garë futbolli të Spanjës.

Sfidanti.al