Roma dhe Eintracht Frankfurt luajnë këtë të enjte në orën 21:00 për raundin e tetë dhe të fundit në grupin e Europa League. Përveç objektivave në fushë, një garë do jetë edhe në tribuna, pasi afro 5 mijë gjermanë kanë udhëtuar për në “Olimpico”. Në prag të ndeshjes policia ka shmangur një përplasje që mund të rezultonte më e madhe në përmasa sesa mendohej, duke shoqëruar katër të rinj, dy prej të cilëve minorenë. Tifozët u arrestuan pasi tentuan një sulm ndaj një autobusi me tifozë gjermanë, i cili ishte drejtuar për në ‘Olimpico’ i shoqëruar nga policia. Gjithçka ndodhi pranë ‘Piazzale delle Arti’. Ata ishin katër mbështetës të rinj, dy prej të cilëve të mitur, të cilët u bllokuan pas një arratisjeje përgjatë rrugëve të brendshme të ‘Via Flaminia’.

sfidanti.al