Milani po përgatitet për një revolucion të madh dhe ndryshimi nga nisur nga struktura drejtuese. Kuqezinjtë kanë zgjedhur si drejtor sportiv Fabio Paraticin.

Administratori i deleguar i kuqezinjve, Giorgio Furlani, ishte në Londër, ku zhvilloi bisedime për të arritur marrëveshjen përfundimtare me ish-drejtorin e Juventusit dhe Totenhamit.

Ky emërim vjen pas disa javësh spekulimesh mbi kandidatët e mundshëm për këtë pozicion. Igli Tare dhe Tony D’Amico, dy emra që ishin përfolur si opsione të mundshme për Milanin, nuk do të jenë pjesë e projektit të ri të klubit.

Fabio Paratici, ish-mesfushor, nisi karrierën e tij si drejtues te Sampdoria, ku punoi ngushtë me Beppe Marottën. Ishte pikërisht Marotta ai që e solli atë te Juventusi, ku Paratiçi luajti një rol kyç në ndërtimin e një skuadre dominuese në Serinë A dhe në arenën europiane.

Megjithatë, periudha e tij te Juventusi nuk ishte pa polemika. Në maj të vitit 2021, ai u largua nga klubi në mes të një reformimi të madh te “Zonja e Vjetër”. Pas kësaj, ai u transferua në Premier Ligë, ku u emërua drejtor sportiv te Totenham.

Karriera e Paraticit mori një goditje të rëndë pas hetimeve për çështjen e famshme të plusvalencave që përfshiu Juventusin. Si rezultat, ai u pezullua nga të gjitha aktivitetet sportive nga Federata Italiane e Futbollit për një periudhë prej 30 muajsh, një vendim i konfirmuar nga Gjykata Federale e Apelit. Për këtë arsye, ai u largua nga Totenham në prill të vitit 2023.

Dënimi i tij është në fuqi deri më 20 korrik 2025 dhe pas kësaj date mund të marrë rolin drejtues te Milani.

sfidanti.al