Klubi spanjoll i futbollit Valencia CF në 18 mars festoi 100 vjetorin e tij dhe me këtë rast ai krijoi një logo të re me praninë e lakuriqit të natës që në të vërtetë është pjesë logos së këtij klubi që nga viti 1921. Por kjo logo e re duket se i ka hapur telashe Valencias, pasi sipas DC Comics, imazhi i lakuriqit të natës i përdorur nga klubi është shumë i ngjashëm me atë të Batmanit, kështu që bëri një denoncim kundër Valencias dhe është e dyta herë që ndodh.

Denoncimi i parë për Valencian për kopjim të personazheve vizatimorë të DC Comics u bë në vitin 2014. Valencia gjithnjë e ka pasur lakuriqin e natës në logon e saj me kafshën që është me krahët hapur me drejtim poshtë. Pas ristilimit të logos, krahët e tij ishin në drejtimin lart, një ndryshim që solli edhe një ngjashmëri të tillë me logon e Batmanit sa detyroi DC Comics të ndërmarrë këtë hap tek Shoqata OHIC që merret me regjistrimin e markave
Por Valencia duket se ka vendosur të hyjë vërtet në betejë ligjore me DC Comics. ‘Nuk do të reshtim së përdoruri lakuriqin e natës sepse e thotë DC Comics. Nuk ekziston asnjë markë komerciale që të ketë ekskluzivitet mbi lakuriqët e natës-tha një zëdhënës i Valencias për ‘El Confidencial’-kur ky klub nisi të luajë futboll me lakuriqin e natës në gjoks, në SHBA gjuanin bizontë’.

Më pas zëdhënësi i Valencias shpjegoi se Batman u krijua në vitin 1939 dhe Valencia në atë kohë ishte një klub i themeluar duke shtuar se gjithcka është një formalitet dhe se nuk do të ketë asnjë pasojë ligjore
Po përse lakuriqi i natës është kaq i rëndësishëm? Origjina e kësaj ikonografie i referohet legjendës së Jaume I që në shekullin e 13 ripushtoi qytetin që ishte zënë nga myslimanët; sipas rrëfimit tradicional, fluturimi i një lakuriqi të natës sinjalizoi trupat katolike për një sulm që po vinte.

sfidanti.al