Haaland: Mendoja se do të luante edhe Mbappe

Erling Haland ishte protagonist me një gol në fitoren 2-1 të Mançester Sitit në “Bernabeu” përballë Real Madrid, në supersfidën e kësaj jave në Ligën e Kampioneve.

Një fitore që ka lumturuar norvegjezin, siç ka treguar për “TNT Sport” pas ndeshjes, duke shpjeguar betejat që kishte pasur me lojtarët e madrilenëve, por edhe keqardhjen që përballë tij nuk kishte qenë Kilian Mbape.

“Gjithmonë dëshiron të luash kundër më të mirëve. Që nga minuta e parë, Asensio tentoi të më kapte dhe të bënte sherr me mua. Mua, personalisht, kjo më pëlqen. Nuk më shqetëson. Edhe me Rudiger kam pasur beteja të mëdha. Edhe sot kërkoi shumë luftë dhe më mbërtheu. Për mua ishte penallti e qartë.
Mungesa e Mbape? E dinim për dëmtimet e tij dhe nuk na pëlqen që ndokush të jetë i dëmtuar. Shpresonim të luanim kundër tij, mendoja që do të mund të luaja kundër tij. Kur duhet të luash përballë Kilian dhe ai nuk luan, nuk je i lumtur pasi dëshiron të luash kundër më të mirëve. Të jep një shtysë në aspektin psikologjik.

Ndeshja ishte e vështirë, këto janë ndeshje të vështira për t’u luajtur. Ndeshja shkoi si shkoi, kishte shumë tranzicione. Mund të shënonim ndonjë gol më shumë. Isha thuajse duke shënuar në pjesën e dytë, Zheremi kishte disa mundësi, por ndeshja ishte pak kaotike. Nuk mundëm ta kontrollonim dhe ishte e vështirë. Në përgjithësi, është e vështirë të vish dhe luash këtu. Jemi super të lumtur”, tha sulmuesi norvegjez i cili ndaj Realit shënoi golin e 6 në 6 ndeshje të luajtura në këtë sezon në Ligën e  Kampioneve.

Tags: