Federico Chiesa e nisi sezonin në mënyrën më të mirë të mundshme, me një gol vendimtar ndaj Bournemouth, duke dhënë sinjale pozitive pas një periudhe të vështirë me fanellën e Liverpool-it. Megjithatë, hapësirat për të në javët në vijim u reduktuan ndjeshëm. Për më tepër, trajneri Arne Slot vendosi ta linte jashtë listës së Champions League, duke i dhënë përparësi talentit 17-vjeçar Rio Ngumoha. Sulmuesi italian reagoi me profesionalizëm, duke pritur momentin e tij. Ai shfrytëzoi në maksimum shansin në Kupën e Ligës ndaj Southampton-it, ku dhuroi dy asistime dhe u shpall lojtari i ndeshjes. Në të njëjtën sfidë, një tjetër italian i “The Reds”, mbrojtësi 18-vjeçar Giovanni Leoni, pësoi një këputje të ligamentit të gjurit të majtë dhe do të mungojë për disa muaj. Ky zhvillim mund t’i hapë derën Chiesas për një rikthim në listën e Champions-it, falë rregullores së re të UEFA-s që lejon zëvendësimin e lojtarëve me dëmtime afatgjata.

sfidanti.al