Ylli i PSG-së, Ousmane Dembele, ka rrëfyer për herë të parë emocionet dhe momentet e veçanta nga ceremonia ku fitoi “Topin e Artë”, në një intervistë ekskluzive për “GQ France”.
Francezi e fitoi “Topin e Artë” në vitin 2025, duke mposhtur në garë yllin e Barcelonës, Lamine Yamal, dhe bashkëlojtarin Vitinha.
Ceremonia zgjati dy orë, ndoshta dy orë e gjysmë, por për Dembele gjithçka kaloi shpejt.
“Ishte fantastike, të gjitha fjalimet, të gjitha çmimet që u dhanë… Ishte kënaqësi t’i shihja lojtarët që i njihja, si Iniesta, Raphinha, Yamal, me të cilin kam luajtur. Legjenda si Gullit dhe Ronaldinho, dhe po ashtu presidentin e Barcelonës, Joan Laporta. Normalisht, isha i lumtur të isha me shokët e skuadrës. Prania dhe përkrahja e presidentit Nasser Al-Khelaifi më prekën shumë”.
A mendoi ndonjëherë se mund të mos fitonte? Përgjigjja e tij është e sinqertë dhe e drejtpërdrejtë: “Nuk e mendova fare këtë sepse e dija që do ta fitoja. Kur e kuptova 100%? Kur Ronaldinho hapi zarfin”, shtoi ai.
sfidanti.al
