Argjentina synon të kthehet në kalendarin e botërorit të Formula 1 pas 28 vitesh mungesë. Ai që e bëri të ditur ishte presidenti i vendit Javier Milei në fjalën e mbajtur prej tij në kongresin e FIA të mbajtur në Buenos Aires.

‘Argjentina që po kthehet të presë një kongres të FIA, është i njëjti vend që i mbledh të gjitha kushtet për të pritur përsëri Formula 1-tha presidenti i vendit amerikanolatin-Argjentina është një vend që i dashuron makinat. Herën e fundit që është mbajtur një Çmim i Madh në Argjentinë, ka qenë në vitin 1998 në autodromin Galvez, por gjatë gjithë kësaj kohe, pasioni i argjentinasve për garat nuk është shuar kurrë; e vetmja gjë që i ka munguar në këto 28 vitet e fundit, është që bota të kthehet të na shohë si një vend që është në gjendje të organizojë një Çmim të Madh’