Mesfushori i talentuar i Barcelonës, Fermin Lopez, ka konfirmuar zyrtarisht se nuk do të jetë pjesë e Kupës së Botës, pasi iu nënshtrua me sukses një operacioni që do ta mbajë larg fushave për një periudhë të konsiderueshme.
Lajmi ka shqetësuar jo vetëm tifozët katalanas, por edhe ata të kombëtares spanjolle, të cilët prisnin shumë nga paraqitjet e 22-vjeçarit në turneun prestigjioz.
Sipas raportimeve nga mediat spanjolle, Fermin pritet të mungojë për të paktën dy muaj, ndërsa stafi mjekësor po tregohet i kujdesshëm me rikuperimin e tij, në mënyrë që lojtari të rikthehet në formën më të mirë për nisjen e sezonit të ri.
