Pamje, fotografi, video të turpshme dhe të sikletshme karakterizuan sfidën në Camp Nou mes Barcelonës dhe Oviedos. Rezultati, fitorja e blaugranëve, kaloi në plan të dytë përballë situatës dëshpëruese në të cilën u gjend impianti katalanas, i goditur nga një stuhi e papritur që nxori në pah mangësi të mëdha në ristrukturimin sapo të përfunduar, i cili zgjati mbi një vit e gjysmë, me një investim prej 1.5 miliardë eurosh për të rikthyer një stadium të fjalës së fundit. Që “mori ujë” në rastin e parë. Është e vërtetë, ajo që u lëshua mbi qiellin e Barcelonës ishte mbresëlënëse, me një shi të rrëmbyeshëm të shoqëruar me erë dhe breshër që u ndjenë fort mbi impiantin, i cili u dorëzua menjëherë ndaj motit të keq, duke shkaktuar përmbytjen e plotë të disa zonave të stadiumit të sapo ristrukturuar të Barcelonës. Në rrjetet sociale u shfaqën shpejt disa video që tregonin infiltrime të shumta uji në pjesë të ndryshme të stadiumit, veçanërisht në tribunën e shtypit, më e goditura sepse ende pa mbulim të plotë, duke rezultuar e përmbytur plotësisht nga shiu si një stadium periferik i zakonshëm.