Një kapitull i ri në historinë midis Lookman dhe Atalantës. Pas dështimit të transferimit tek Interi, sulmuesi u largua nga Bergamo dhe praktikisht nuk ishte i disponueshëm. Dje, marrëveshja e dështuar midis dy klubeve u bë zyrtare dhe Ademola u kthye në Itali mbrëmjen e së hënës, 18 gusht.

Sot, sulmuesi kaloi gjithë mëngjesin në Zingonia, duke mbërritur rreth orës 8:00 të mëngjesit i shoqëruar nga babai i tij dhe një mik. Pasi u stërvit vetëm, ai u largua nga qendra stërvitore e Atalantës pas mesditës. Ai do të kthehet nesër për një seancë të personalizuar me një trajner dhe do të vazhdojë ta bëjë këtë deri në fund të merkatos, që është 2 shtatori.

Jo vetëm kaq, por Atalanta, siç pritej, e gjobiti për 15 ditët e mungesës së pajustifikuar. Në fakt, klubi nga Bergamo ka vendosur ta ndëshkojë me një gjobë për çdo ditë mungesë vullnetare, të cilës ka të ngjarë t’i shtohet një uljeje proporcionale të pagës.

Lidhur me të ardhmen e tij, një transferim në një klub tjetër përveç Interit mbetet në diskutim: Lookman ka admirues jashtë Italisë, veçanërisht në Premier League, dhe për këtë arsye është e mundur që palët të arrijnë një marrëveshje për transferimin e Lookman.

sfidanti.al