Interi ka vendosur të fokusohet te Nicolo Rovella në rast largimi të Hakan Calhanoglu, i cili është gjithnjë e më afër rikthimit në futbollin turk. Klubi zikaltër ka informuar Lazion, përmes agjentëve të lojtarit, se është i gatshëm të ofrojë 40 milionë euro për kartonin e mesfushorit. Megjithatë, presidenti Lotito kërkon pagesën e plotë të klauzolës prej 50 milionë eurosh dhe nuk ka ndërmend të negociojë për më pak. Agjenti i Rovellës, Beppe Riso, ka nisur tashmë një përpjekje për ta bindur lojtarin të largohet, megjithëse ky i fundit ka shprehur më parë dëshirën për të qëndruar te Lazio. Klubi kryeqytetas ndodhet në vështirësi financiare dhe shitja e Rovellës mund të ndihmojë për të balancuar llogaritë.  Vendimi final pritet të varet nga vetë lojtari dhe qëndrimi përfundimtar i presidentit Lotito.

sfidanti.al