Superkupa e Italisë, ajo e formatit të ri me katër skuadra, ka zyrtarizuar kalendarin. Pas një sërë ndryshimesh datash, me ndërrime të lidhura me ndeshjet e kampionatit për skuadrat e përfshira, Liga e Serisë A ka vendosur se kur do të luhet “Final 4” në Riad. Gjysmëfinalja e parë mes Napolit dhe Fiorentinës është planifikuar për të enjten më 18 janar, ndërsa e dyta mes Interit dhe Lazios do të zhvillohet të nesërmen, e premte më 19. Finalja është caktuar për të hënën më 22 janar. Të gjitha ndeshjet do të luhen në stadiumin që pret ndeshjet në shtëpi të Al-Nassr të CR7, Al-Awwal Park. Natyrisht, ndryshon edhe kalendari i Serisë A, i cili përfshinte ndeshjet e javës së 21-të. Interi, Napoli, Lazio dhe Fiorentina do të rikuperojnë angazhimet e tyre përkatëse në kampionat midis shkurtit dhe marsit bazuar në shortet e Champions League dhe Ligës së Konferencës.

sfidanti.al