Kamza “vrasëse”, fiton edhe në Lezhë dhe shkon +7

Vazhdon mrekullia Kamza në Grupin A të Kategorisë së Parë, madje skuadra e drejtuar nga Bledar Devolli, duket se ka vendosur ta vrasë shumë shpejt kampionatin për zonën e veriut. Sot skuadra e periferisë së kryeqytetit ka arritur fitoren e shtatë, në po aq ndeshje të luajtura, por këtë rradhë ndaj një rivali direkt, si Besëlidhja, madje në stadiumin e Lezhës.

Në pjesën e parë ishin vendasit që tentuan të diktojnë dhe në një farë mënyre ia arritën, duke krijuar 5 raste të mira shënimi. Por, në të 45’ është Sefa që shënon për kamzalinjtë, pas një ekzekutimi perfekt. Në pjesën e dytë Morina dyfishon avantazhin dhe pasi loja u rihap në të 71’, pas një goli të afrikanit Kamara, sërish mendon ish-sulmuesi i Tiranës për të mbyllur takimin pas një goli të bukur dhe tani skuadra e tij është 7 pikë në avantazh me Besëlidhjen. Tani pritet nesër ndeshja e Grupit A, Sopoti – Lushnja, ndërkohë që edhe lushnjarët deri tani janë me pikë të plota.

 

Rezultatet/ Java VII

Grupi A

Mamurrasi – Shënkolli                    2-1

Besëlidhja – Kamza                          1-3

Dje

Erzeni – Besa                                     1-0

Kastrioti – Burreli                            0-0

Tërbuni – Iliria                                  2-3

 

Grupi B

Apolonia – Elbasani                         3-0

Dje

Pogradeci – Dinamo                         1-0

Tomori  – Turbina                             1-0

Bylis – Shkumbini                            1-0

Nesër

Sopoti – Lushnja