E pabesueshme ajo që ndodhi në Çmimin e Madh të Austrisë në Formula 1. George Russell triumfoi me Mercedes përpara Oscar Piastri (Mc Laren), falë një kontakti të Red Bull-it të Max Verstappen (i pesti) dhe McLaren-it të Landos Norris (i detyruar të tërhiqet). Pozicioni i tretë dhe podiumi për Ferrarin e Carlos Sainz, i katërti Lewis Hamilton me Mercedes. Vendi i gjashtë për Nico Hulkenberg (Haas), i shtati për Red Bull-in tjetër, atë të Sergio Perezit përpara Kevin Magnussen (Haas) dhe Daniel Ricciardo (RB), i dhjeti për Pierre Gasly me Alpine. E diela për të harruar për Charles Leclerc: Monegasku nga Ferrari, i prekur nga një problem me krahun e përparmë të dëmtuar nga një kontakt me Piastrin në xhiron e parë, përfundoi në pozicionin e 11-të, jashtë zonës së pikëve.

sfidanti.al