Eliminimi i Italisë në fazën e 1/8-ave është pasuar nga një fortunë e vërtetë në medie. Në veçanti shtypi italian ka qenë mjaft kritik me kampionët në fuqi të kompeticionit për mënyrëbn se si u eliminuan një ditë më parë nga Zvicra e Xhakës. “Gazzetta dello Sport” ishte kritike, por e kursyer duke zgjedhur si titull kryesor: “Gjithçka për t’u bërë nga e para”. Ndërsa “Corriere dello Sport” rëndon dozat e akuzës duke zgjedhur si titull të parë: “Një turp. Në Berlin të kaltrit prekin fundin”. Për të përditshen sportive “Tuttosport” eliminimi i Italisë ishte një “Faliment kombëtar. Italia merr leksione futbolli nga Zvicra. Sistemi është për tu ribërë”.   Sa i përket gazetave politike “Corriere della Sera” zgjodhi këto fjalë për të përshkruar atë çfarë ndodhi në Berlin: “Italia në copa, e mundur dhe e poshtëruar”. “La Stampa” zgjedh një titull në lidhje më ngjyrën karakteristike të formacionit italian: “E kaltër në terr”. Titulli më i rëndë ishte ai i “Libero”-s: “Të paaftë. Shkoni punoni tokën”.

sfidanti.al