Holanda ka bërë një lëvizje të papritur duke emëruar spanjollin Xavi Hernandez në stolin e përfaqësueses së saj, i lënë bosh pas largimit të Ronald Kuman në përfundimin e Botërorit. Ish-mesfushori 46-vjeçar ishte prej dy vitesh në pritje të emërimit në një pankinë, që kur u largua nga drejtimi i Barcelonës në mbyllje të sezonit 2023-2024.

Mund të thuash se jam paksa bir i futbollit holandez. Trajnerë të tjerë të shkëlqyer, veçanërisht Luis van Gal, nën drejtimin e të cilit debutova në Barcelonë dhe Frank Rajkard, gjithashtu luajtën një rol të rëndësishëm në formësimin tim si lojtar dhe trajner”, tha ndër të tjera ai në fjalët e para si trajneri i përfaqësueses. Kontrata e Xavit do të jetë deri në Botërorin e viti 2030, me idenë e qartë të ringritjes së kësaj përfaqësueseje në nivelet më të larta të futbollit kontinental e botëror.