Në moshën 38-vjeçare, Lionel Messi vazhdon të sfidojë çdo parashikim, duke shkëlqyer me Inter Miamin në sezonin 2026 të Major League Soccer. Këtë edicion, kapiteni argjentinas ka ndryshuar stil loje, duke u fokusuar më shumë te finalizimi sesa te roli i tij klasik si organizator. Rezultatet janë mbresëlënëse: 7 gola në 7 ndeshje dhe asnjë asist, një statistikë që tregon qartë transformimin e tij në një “makinë golash”.

Ndikimi i Messit është i menjëhershëm. Ai është shpallur katër herë “Lojtari i Ndeshjes” brenda vetëm tetë javësh, duke konfirmuar dominimin e tij në kampionatin amerikan. Në sfidën ndaj Colorado Rapids, dy golat e tij jo vetëm që siguruan tri pikë të arta për Miamin, por e çuan edhe në kuotën e jashtëzakonshme prej 905 golash në karrierë. Në garën historike për golashënuesin më të mirë të të gjitha kohërave, vetëm Cristiano Ronaldo qëndron përpara me 969 gola, ndërsa Messi vazhdon ta ndjekë nga afër, duke mos dhënë asnjë shenjë ngadalësimi.

Që nga ardhja e tij në MLS, Messi ka grumbulluar tashmë 14 çmime “Lojtari i Ditës së Ndeshjes”, një arritje e rrallë që e vendos atë mes më dominuesve në historinë e kampionatit. Ai gjithashtu ka fituar dy herë radhazi çmimin MVP të sezonit, duke vendosur një standard të ri në futbollin amerikan.

sfidanti.al