Sulmuesi shqiptar Anis Mehmeti po kalon një moment të shkëlqyer në karrierë. 24-vjeçari ka qenë sërish protagonist me skuadrën e Bristol Sitit (që militon në Kategorinë e Parë angleze), pasi ka gjetur rrugën e rrjetës në sfidën kundër Hull Sitit. Mehmeti ka shënuar golin e barazimit për skuadrën e tij në pjesën e dytë nga pika e bardhë e penalltisë. Ky ishte goli i 12-të në kampionat këtë sezon për sulmuesin kuqezi, që pret të jetë pjesë e listës së trajnerit Silvinjo, për ndeshjet që kombëtarja shqiptare do të zhvillojë në muajin mars.

sfidanti.al