Ai vetë do ta dojë një titull të tretë, të dytin si trajner. Didie Deshamp është një simbol fitoreje i futbollit francez, një lloj Napoleoni, edhe pse betejat e tij në fushë nuk janë aq të bukura sa fitoret ushtarake të Perandorit. Në 1998, Deshamp fitoi Kupën e Botës si kapiten i Bluve në finalen e Parisit ndaj Brazilit. Në 2018 fitoi trofeun në stol, ndërsa është pikërisht trajner i kampionëve të botës. “Nuk ishte e lehtë, – tha ai, – por ishte një kënaqësi. U kam thënë lojtarëve dhe ndihmësve të mi që të shijojnë çdo moment. Pas pak ditësh ne do të luftojmë për titullin botëror”. Ndërkaq, presidenti Emanuel Makron, i njëjti që nxiti Kilian Mbapenë të qendronte tek Paris SG, i ka kërkuar Deshampit që të mos largohet nga detyra pas Botërorit.

Sfidanti.al