Pas fitores bindëse në Champions League kundër PSV, Juventus do të rikthehet në kampionat, në sfidën e radhës kundër Napolit. Pas dy barazimeve radhazi në Seria A, trajneri Thiago Motta kërkon rikthimin te fitorja, ndërkohë që nuk i kursen fjalët e mira për rivalët. “Një ndeshje e shkëlqyer me lojtarë të fortë. Ne do të përballemi me shumë seriozitet dhe përgjegjësi, duke respektuar kundërshtarin dhe duke luajtur futbollin tonë. Koha si futbollist me Conten? Ishte kënaqësi e madhe të punoja me të, patëm një Europian të mrekullueshëm dhe dolëm kundër një ekipi shumë të fortë. Marrëdhënia me të ka qenë gjithmonë fantastike. Napoli është një ekip i ndërtuar për të fituar titullin. Duhet të vazhdojmë rrugëtimin tonë ndeshje pas ndeshje me ambicien për t’u përmirësuar gjithmonë, duke u përpjekur të rritemi dhe t’i bëjmë tifozët tanë që të kenë një mbrëmje të mirë”, tha Motta.

sfidanti.al