E vetmja gjë që mungonte ishte njoftimi zyrtar, që tashmë ka ardhur: Emerson Royal është lojtari më i ri i Flamengos. Pasi mbërriti te Milani verën e kaluar, pas vetëm një viti me kuqezinjtë, plot ulje-ngritje dhe i shënuar nga një dëmtim i keq në pulpë, mbrojtësi brazilian ka vendosur të kthehet në shtëpi, duke nënshkruar një kontratë me klubin e Rio de Janeiros deri në vitin 2028.

Një transferim i rëndësishëm për Milanin, që do të fitojë 9 milionë euro dhe tani po përgatit një ofertë përfundimtare për Ardon Jasharin.

Në orët e fundit, drejtori sportiv Tare ka vendosur ta rrisë më tej ofertën e tij dhe, pjesërisht falë shitjes së Emerson Royal, është gati të ofrojë 35 milionë euro fiks plus 2 ose 3 milionë euro në bonuse, duke u barazuar në mënyrë efektive me 40 milionë eurot e kërkuara nga Club Brugge.

sfidanti.al