Mesfushori italian Niccolò Rovella do t’i nënshtrohet ndërhyrjes kirurgjikale për të zgjidhur përfundimisht problemet e tij me pubalgjinë. Sipas Corriere dello Sport, pas disa javësh ku u tentua ndjekja e një terapie konservative, stafi mjekësor dhe lojtari kanë vendosur të kalojnë në një zgjidhje operative. Operacioni pritet të kryhet në ditët në vijim në klinikën private Quisisana, ndërsa pas ndërhyrjes, Rovella do të nisë menjëherë procesin e rehabilitimit. Qëllimi është që mesfushori të rikthehet në formë të plotë sa më shpejt të jetë e mundur dhe të vihet sërish në dispozicion të skuadrës së tij.

sfidanti.al