Orë vendimtare në bisedimet me PSG-në për lojtarin që është gati të veshë përsëri fanellën bardhezi. Juventusi është shumë afër mbylljes së marrëveshjes me sulmuesin Randal Kolo Muani. Ka pasur zhvillime konkrete orët e fundit dhe tashmë klubi torinez dhe ai parisien janë një hap larg akordit përfundimtar. Trajneri Luciano Spalletti ka këmbëngulur për ta mbyllur sa më shpejt këtë telenovelë të javëve të fundit.

Juventusi dhe PSG duket se do të bien dakord për Kolo Muani për një huazim me të drejtën e blerjes për 40 milionë euro nga klubi bardhezi, plus bonuset. Këto të fundit janë rritur nga Juventusi, duke qenë vendimtarë për zhbllokimin e situatës, ashtu si klauzola në lidhje me faturën e rishitjes.

Sulmuesi ka luajtur me Juventusin më parë, duke regjistruar 22 ndeshje, 10 gola dhe 3 asiste. Edhe verën e kaluar pati bisedime mes dy klubeve për Kolo Muani, që pastaj u huazua te Tottenham.