Joshua Kimish u prezantua sot përballë gazetarëve në qendrën ku është e grumbulluar Kombëtarja gjermane për të mbajtur konferencën e zakonshme për mediet. Pas kualifikimit të Spanjës, çështja kryesore ishte çerekfinalja e së premtes ku në Shtutgart vendasit do te ndeshen me ekipin iberik. “Mund të themi është një finale e parakohëshme. Si lojtar jam me të vërtetë i motivuar pasi ndeshje si këto janë të një niveli shumë të lartë”, tha mesfushori i Bajernit.

Në vitet e fundit Spanja është treguar një rivale e denjë për Gjermaninë duke e mundur në më shumë se një rast. Për Kimish ajo që ka ndodhur deri më tani është një motiv më shumë për të synuar fitoren. “Nëse kërkon të fitosh turneun atëherë nuk mund ta bësh pa mundur Spanjën. Ne duam që ta mundim dhe të fitojmë kupën. Ky është objektivi ynë. Duam që të fitojmë Europianin që të shkruajmë një tjetër kapitull të lavdishëm në historinë e Federatës Gjermane të Futbollit”, tha 29-vjeçari. Për të arritur këtë qëllim Kimish pranon se Gjermania ka në rrugën e saj një pengesë të fortë. “Edhe Spanja ashtu si ne kërkon të ketë topin nën kontroll. Kurndër Spanjës duhet të luash më dinamizëm, kurajë dhe shumë fuqi. Shpresojmë shumë që edhe fansat të në ndihmojnë edhe pse përgjegjësia është e jona pasi ne zbresim në fushë”, vazhdoi Kimish. Në fund të fjalës së tij Kimish tregon se edhe Spanja nuk është e lumtur që do të përballet me Gjermaninë.

sfidanti.al