Kompania turke “Limak” do të përfundojë punimet në “Spotify Camp Nou”

Kompania turke e ndërtimit Limak do të përfundojë rinovimin e Spotify Camp Nou, tani që investitorët kanë depozituar edhe fondin e miratuar pak ditë më parë në Asamblenë e Përgjithshme të Zakonshme të FC Barcelona, prej 300 milionë eurosh. “Big Lift” e çatisë, e cila do të fillojë sapo të përfundojë sezoni aktual, do të kryhet sipas kushteve të rëna dakord dhe duhet të përfundojë në gjysmën e dytë të sezonit 2027-28. Pavarësisht ulje-ngritjeve në marrëdhëniet midis Limak dhe FC Barcelona në një fazë të caktuar të të gjithë procesit, për shkak të tensioneve që lidhen me afatet, mirëkuptimi ka mbizotëruar.