“BILD” i ka kushtuar vëmendje paraqitjeve të portierit Diant Ramaj, duke i dërguar një mesazh përzgjedhësit të Gjermanisë, Jürgen Klopp, që ta marrë në konsideratë përfaqësuesin e Borussia Dortmundit. Ramaj, i huazuar te Copenhagen, ka bërë një nisje të shkëlqyer në Danimarkë, ku ka regjistruar katër ndeshje dhe katër fitore, ndërsa në dy prej tyre ka mbajtur portën e paprekur. Në total, portieri 23-vjeçar ka pësuar vetëm dy gola, njëri prej të cilëve nga pika e bardhë e penalltisë. “BILD” thekson se Ramaj ka kontratë me Borussia Dortmundin deri në vitin 2029, ndërsa Gregor Kobel mbetet portieri i padiskutueshëm i klubit gjerman. Ramaj mund të përfaqësojë Kosovën ose Shqipërinë në nivel ndërkombëtar, por dëshira e tij është të luajë për Gjermaninë nëse i jepet mundësia. Mediumi gjerman e sheh atë si një alternativë për portën e “Pancerëve”, pas emrave si Marc-André ter Stegen, Oliver Baumann, Alexander Nübel, Noah Atubolu dhe Jonas Urbig. Paraqitjet e tij në Danimarkë kanë bërë që Ramaj të rikthehet në vëmendjen e futbollit gjerman, ndërsa një vazhdimësi e tillë mund t’i hapë rrugën edhe një ftese të mundshme nga kombëtarja e Gjermanisë.