Përballja e shumëpritur mes Tyson Fury-t dhe Anthony Joshua-s duket se është më pranë se kurrë. Ish-kampioni britanik i peshave të rënda ka dhënë sinjale të forta se dueli i shumëpërfolur do të zhvillohet, madje në Shtetet e Bashkuara të Amerikës. Fury ka publikuar në Instagram një poster të përbashkët me Anthony Joshua-n, me sfond qytetin e New Yorkut dhe Madison Square Garden, duke lënë të kuptohet se kjo do të jetë arena që do të presë “Betejën e Britanisë”.