Triumfi i Spanjës në Botëror nuk sjell vetëm trofeun e dytë në histori për kombëtaren, por edhe një shpërblim të konsiderueshëm financiar për lojtarët. Pas fitores ndaj Argjentinës në finale, futbollistët e La Roja pritet të përfitojnë një bonus rekord nga suksesi në turne. FIFA do t’i akordojë Federatës Mbretërore Spanjolle të Futbollit (RFEF) 50 milionë dollarë, shumë e lidhur me pjesëmarrjen dhe fitimin e Kupës së Botës. Sipas marrëveshjes mes kapitenëve të ekipit dhe Federatës, 45% e kësaj shume do të shkojë për bonuset e lojtarëve. Kjo përqindje përllogaritet në rreth 19.67 milionë euro.

Shuma do të ndahet mes 26 futbollistëve të grumbulluar në kombëtare, duke sjellë një përfitim prej afërsisht 756 mijë euro bruto për secilin lojtar. Ky sukses përfaqëson një moment të rëndësishëm për Spanjën, e cila fitoi titullin e dytë botëror pas atij të vitit 2010. Përveç arritjes sportive, triumfi sjell edhe të ardhura të rëndësishme për Federatën, e cila do t’i përdorë fondet edhe për mbulimin e shpenzimeve të pjesëmarrjes në turne.