Federata Kroate e Futbollit (HNS) ka dërguar një ankesë zyrtare në FIFA, duke shprehur pakënaqësinë e saj për arbitrimin në ndeshjen ndaj Portugalisë, e zhvilluar të premten në Toronto në kuadër të Botërorit 2026.

Kroatët u eliminuan nga turneu pas humbjes 2-1, ndërsa polemikat u shtuan pasi në minutat e fundit iu anulua një gol i Josko Gvardiolit. Gjyqtari norvegjez Espen Eskas e mori vendimin pasi FIFA njoftoi se sensori i vendosur brenda topit kishte regjistruar një prekje me flokët e Igor Matanoviçit, çka solli sinjalizimin për pozicion jashtë loje.