Në shtëpinë e Barcelonës, me trajnerin Hansi Flick nuk bëhet shaka. Në asnjë situatë, sepse trajneri gjerman i katalanasve kërkon disiplinë në nivelin më të lartë dhe përpikëri nga të gjithë.

Në një intervistë për “El Hormiguero”, Pedri dhe Ferran Torres kanë zbuluar gjobat e kripura që ka vendosur trajneri Flick për çdo shkelje të rregullores. Për shembull, 40.000 euro është gjoba në rast vonese 10 minuta për ditën e ndeshjes.

“Nëse atë ditë vjen me 20 minuta vonesë, ndoshta është më mirë që të mos paraqitesh fare”, – ka thënë me shaka Pedri. “E kuptoj, sepse të shkosh me vonesë është mungesë respekti ndaj shokëve të skuadrës”, – ka shtuar më tej mesfushori i Barcelonës.

Trajneri Flick dallohet për natyrën e tij shumë serioze dhe disiplinën e hekurt.