Pas postimit të gjatë në rrjetet sociale të Brooklyn Beckham ku sulmonte prindërit e tij David dhe Victoria për ndërhyrje në martesën e tij me Nicola Peltz, ish-futbollisti anglez foli në programin financiar Squaëk Box të CNBC dhe iu përgjigj akuzave. “Fëmijët e mi kanë bërë gabime, por fëmijëve u lejohet të bëjnë gabime dhe ata mësojnë prej tyre. Ndonjëherë duhet t’i lejosh”. Këto ishin fjalët e David Beckham, i cili u përpoq ta linte pas skandalin mediatik të kësaj jave.

Çfarë ndodhi më parë – Brooklyn Beckham, 26 vjeç dhe i martuar prej tre vitesh, akuzoi nënën dhe babanë e tij në rrjetet sociale (ku ai ndiqet nga 16 milionë njerëz) se donin të “shkatërronin” martesën me gruan e tij Nicola, një aktore amerikane dhe vajza e miliarderit Nelson Peltz dhe ish-modeles Claudia Heffner. “Nuk dua të pajtohem me familjen time”, tha Brooklyn, duke evidentuar disa sjellje të papranueshme, përfshirë anulimin “në minutën e fundit” të qepjes së fustaneve të nuses së tij, apo mungesën e një ftese në festën e 50-vjetorit të ditëlindjes së David. “Nuk kam ndërmend të lejoj veten të më kontrollojnë, po e mbroj veten për herë të parë në jetën time”, tha Brooklyn.

sfidanti.al